قهوه دبركى

النهارده الحلقه التانيه مع ضيفنا فى برنامج على القهوه

قهوه دبركى



الجزء التانى من حلقتنا بيتكلم عن الذكريات






هل للذكرى معنى في حيآتك؟؟

طبعاً لها معنى كبير

الذكريات ماضى الانسان

واللى مالوش ماضى مالوش حاضر ولا مستقبل


لا يستطيع الانسان نسيان الذكريات التي مرت به

بل يسعى للاحتفاظ بها لانه لا يستطيع العيش بدونها

إن صح التعبيرمن هنا ننطلق


هل تحتفظ بآلذكريآت حتىلو كآنت قآسيه ؟؟



طبعاً بحتفظ بيها

بحلوها وبمرها

وماهي اجمل ذكرياتك ؟


يوم ما اخدت شهادة الموظف المثالى فى الشركه على مستوى الكويت


لماذا تحتفظ بها ؟؟؟


عملنا يومها حفله كبيره .. ولانها كانت سبب فى ترقيتى





الطفوله
ما أجملها من كلمة وما أحلاها من ماضي جميل طوينا صفحة الطفولة بأجمل الذكريات وأحلى الكلمات فلنسطرها في أرق العبارات هيا
ولنبدأ معا نسترجع ذكريات الطفولة الجميلة وتخط أناملنا أحلى
المواقف وأجمل الذكريات التي تركت أكبر الأثر في نفوسناها أنا ذا أبدأ بذكرياتي الجميلة ما رايكم ان نعيد القليل من تلك الايام






تقدر تحكيلنا عن ذكرياتك فى مدرسه ابتدائى

اجمل حاجه فى مدرسة ابتدائى انى كنت فى مدرسه كلها بنات

وفى مدرسه اعدادى


برده كان فيها بنات كتيييييير

اطرف موقف


كنت فى المدرسه وكان فصلى فى الدور الرابع

وكنا ايام زلزال اكتوبر فى التسعينات

والمدرسه كلها حست بالزلزال ونزلوا الحوش الا فصلنا

والاستاذ شغال شرح الله ينور


اصعب موقف


وفاة استاذ كنت بحبه قوى وكان محترم قوى
استاذى .. سمير عبدالله

المدرس الى مش ممكن تنساه


كتير كان فيه مدرسين محترمين .. وكنت بزورهم بعد الدراسه

المدرس الى كنت بتكره حصتو


بصراحه مش مدرس واحد .. كانوا كتييييييييييير

ياترى كان فيه طلاب اكبر منك بتدايقك


الموقف ده بيحصل مع معظم الطلاب .. الرزاله والرخامه والبواخه
بس انا كنت ببعد فى هدوء

وهل كنت بتحب صداقه الاصغر سننا ولا الاكبر سننا


مش حسبتها ابداً بالسن .. الجميع صحابى

ايه المواد الى كنت بتحبها وايه الى كنت بتكرها


التاريخ طبعاً بحب الماده دى جداً
كنت بكره مادة الرياضيات جداً .. بسبب مدرس

بكل صدق تتمنى ترجع طالب تانى فى المدرسه


مش حكاية ارجع طالب تانى
انا بحب اعيش كل فتره زى ماهيه

كلنا واحنا صغيرين بيبقا لينا احلافى المستقبل ياترى الحلم اتغير ولا


لا ما اتغيرش زى ما هوه

الثانوى احكيلنا عنو شويه
اصحابك اطرف المواقف

فى الثانوى طبعا زادت اصحابى ومعارفى

بس احب اتكلم عن خناقات الطلاب مع المدرسين والعكس

كنت اول مره اشوف خناقات زى كده بعيونى .. كنت بسمع عنها بس





الجامعه والمواقف الى مريت بيها نوع دراستك


كانت اجمل فتره فى حياتى وخصوصا انها كانت فى اسكندريه

اجمل موقف .. كنت واخد سكن انا واتنين صحابى

واحد رفيع قوى وواحد تخين قوى .. ورجعنا من بره لقينا الباب مكسور واتسرقنا

فكان صاحبنا التخين قوى ده بينام ورا الباب بالليل بالسرير بتاعه

وكنت بخوفه بالليل واموت عليه من الضحك

الدكاتره ومواقفك معاهم


الدكاتره كانت اهم حاجه بالنسبه لهم اننا نشترى الكتاب

وكانت كل تعليقاتهم اشتروا الكتب وابعدوا عن الملازم والتلخيصات

اكتب لينا اسم مكان ليك معاه ذكرى


شبين الكوم .. ليه فيها ذكريات كتيره جميله

اسم صاحب


كل اصحابى حبايبى

بيت شعر بتعشقه

حتى لو كتب القدر

نفترق بين البشر

هفضل احبك واعشقك

ايه الكلام الى كتبته ومحدش قريه لحد دلوقت وممكن تكتب لينا جزء منو هنا

ما بين الوقت والتانى

وانا دايب فى احزانى

ولا بضحك ولا ببكى

ومـــــات الحلم قدامى


مع وعد بالجزء الثالث فى الحلقه
القادمه






كل الحب

بسم الله الرحمن الرحيم

الموضوع جميل ومسلى بس ليه مكملتش
ايه لسه بتحضر للجزء التالت
منتظرينك يا درش