الإخوة الثوار

السلام عليكم ورحمة الله وبركاته
أنا فاهم وجهة نظركم وعارف كويس اوي انتو عاوزين ايه

ممكن نختصر طلباتكم في ( يسقط يسقط حكم العسكر )

وأنا معاكم مش عاوز حكم عسكر وعاوز دولة مدنية تقوم على إنتخابات نزيهه

ومن وجهة نظري أنا شايف إننا في الطريق للدولة المدنية

خصوصا بعد إنتخبات مجلس الشعب وقطع أكثر من 50 % من المشوار

تعالو نكمل المشوار مع بعض
وعلى رأي المثل خليك مع الكذاب

أنا عارف إن المجلس العسكري له أخطائة

وأخطاء فادحة كمان

وعارف إنه ممكن يكون متورط مع الرئيس المخلوع

وعارف إن وإن وإن وإن زي ما انتو عارفين بالظبط

بس يا إخواني الناس تعبت من المظاهرات

إنت تحمد ربنا إنك قدام جهاز وبتكتب بالكيبوورد

تخيل غيرك مش لاقي لقمة عيش لولاده

وكل ده بسبب المظاهرات
تعالوا نتفق ونعقد صفقة مع بعض وهي

تحط إيدك في إيدي ونعاهد بعض

إننا نصبر ال 5 شهور القادمة

عشان خاطر مصر

ونعاهد بعض تاني

إن المجلس العسكري لو ما سلمشي السلطة في شهر 6 الجاي ننزل كلنا مع بعض

ونقول اللي نقوله
لكن نصبر بس الكام شهر دول

إن الله مع الصابرين
وصدقوني

الموضوع خوفا عليكم قبل ما يكون منكم

لأن في مجازر هتحصل في 25 يناير القادم

وعشان نكون متفقين مافيش حد هيقدر على الجيش
أنا إنسان بسيط جدا جدا

طالب منكم بكل ود إننا نكون إيد واحدة بجد

ونصبر الكام شهر الجايين

ونحاول ننسى شوية المظاهرات والثورة

من أجل مصر
بالله عليكم

تفكرو في كلامي
لأخر مرة

تعالو نصبر الكام شهر الجايين مع بعض

ولو ماحصلشي اللي عاوزينه ننزل مع بعض تل أبيب لو حبيتو

بارك الله فيك