كل سنة وأنتم طيبين
رمضان بيجمعنا ويخلى لحياتنا معنى
قراءة وذكر وتسبيح مع تهليل
صلاة تراويح وجمع كريم رجال نساء اطفال
ورمضان بيجمعنا
ومش بس المساجد لا حتى الشوارع عامرين بالطيبيتن والمؤمنين
ورمضان بيجمعنا ويخلى لحياتنا معنى
بيوتنا كلها سهرانين لله ذاكرين ولشرعه حافظين
ورمضان بيجمعنا ويخلى لحياتنا معنى
كل الولاد فى كل البلاد بيزينوا شوارعم فرحانين بقدوم رمضان ورمضان بيجمعنا ويخلى لحياتنا معنى فقيرنا وغنينا بيشترى نفس الحاجات ورمضان بيجمعنا وخلى لحياتنا معنى على دقة المدفع كلنا منصتين ومنتظرين وف لحظة واحدة
نلاقى رمضان مجمعنا ومخلى لحياتنا معنى
فى وقت واحد كل البلاد متسحرين وف وقت واحد متجمعين
لان رمضان جمعنا وخلى لحياتنا معنى
وفى الفطار وقت واحد برده نتجمع وف لحظة واحدة نمد ايدنا ونسمى
ورمضان مجمعنا وخلى لحياتنا معنى
حتى الولاد والذكريات والفرحة واحدة
علشان رمضان جمعنا وخلى لحياتنا معنى
وعلشان رمضان دايما مجمعنا ودايما مخلى لحياتنا احلى معنى
احنا كمان فى دبركى حنتجمع كل يوم بأمر الله بعد صلاة العشاء والتراويح
نتجمع هنا ورمضان يجمعنا مع ضيف من اعضائنا يحى ذكرياته الرمضانية
ويروح بعيد ويقرب ويشرق ويغرب وياخدنا لايام طفولته وصباه ونعرف منه
اكل ايه فى اليوم ده وعمل ايه وحتى كمان شرب ايه وايه عوايده فى الصيام وايه بعد الفطار
وكل حاجة نتجمع كلنا حولين الضيف نسمع حكايته وذكرياته مع رمضان
وبكل الحب رمضان يجمعنا ويخلى لحياتنا معنى
واسمحولى ضيف اول يوم رمضان هو ... مصطفى الفقــــــــى
الريـــــــــــــــــــــــــــس
بما ان مصطفى هو مؤسس هذا الصرح الراقى الجميل الذى ساعد على لمتنا وجمعنا
فليكن هو اول ضيوف رمضان بيجمعنا
فلتستعد يا ريس عاوزينك تقول وتقول وتجوزل وتصول ونحن فى انتظارك اول يوم رمضان بامر الله بعد التراويح
ويراعى فرق التوقيت
كل سنة وانتم بكل الخير
يا ناس يا طيبين